القائمة الرئيسية

الصفحات

كيفية تحميل سوفت وير على الريسيفر











واضح ان احنا اليومين دول هنجرى ورا سوفتات لاى جهاز تانى فيها مميزات مش موجوده على اجهزتنا .
هعرفك دلوقتى ازاى تنزل سوفت و ملف قنوات لجهازك و ازاى تسحب ملف قنوات او سوفت جهازك و تخلى منهم نسخه معاك بحيث تقدر ترجع نسخه جهازك لو معجبكش السوفت الجديد ...
بص بقى سيب كوبايه الشاى اللى فى ايدك و ركز معايا ..
1:اول حاجه دلوقتى هتحط السوفت اللى متاح انه ينزل على جهازك على فلاشه و يفضل ميكونش فى فولدر خليه بره على طول .
2:وصل الفلاشه بالريسيفر 
3. امسك الريموت و دوس ( menu ) أدخل على (تحديث ) ثم أول واحده (تحديث البطاقه/usb )
هتلاقى فولدر ادخل عليه ... هيظهرلك كل الملفات على الفلاشه منهم السوفت أو ملف القنوات اللى عاوز تنزله اضغط عليه هتلاقيه بيحمل ... بس حاااااااااسب استنى 
اوعى تعمل سوفت غير لما تسحب نسخه لملف القنوات و السوفت بتاع جهازك عشان لو السوفت الجديد معجبكش تقدر ترجع تانى من غير ما تندم ..ازاى بقى ...
بص ياسيدى و انت فاتح الفلاشه كده من الريسيفر هتلاقى نقطتين صغيرين ظاهرين ليك تحت ... ايوه الله ينور عليك 
حاجه أسمها(Db و جنبها دايره زرقا ) دى بقى ياسيدى بمجرد ما بتدوس على الزرار الأزرق انت كده بتاخد ملف قنوات جهازك اللى موجود حاليا بتعمل منه نسخه تتحفظ فى الفلاشه كأنك عملت copy بالظبط لملف القنوات و بيبقى أسم الملف user.db او db بس 
و الحاجه التانيه ودى الأهم أسمها (تحميل فلاشه كامله و جنبها زرار fav) انت بمجرد ما بتدوس على زر ال fav 
انت كده عملت كوبى للسوفت بتاعك ع الجهاز و خدت منه نسخه و احتفظت بيها احتياطى معاك عشان لو حبيت ترجعه تانى و بيبقى اسم ملف السوفت flash file ...
و تقدر تاخدهم من الفلاشه و تسميهم مثلا (س.جهازى ) يعنى سوفت جهازى و (م. جهازى ) يعنى ملف قنوات جهازى  خد منهم نسخه على اللاب عشان لو حصل فى الأمور أمور أقدر بكل سهوله أرجع كأن شئ لم يكن 
كريم ابراهيم
كريم ابراهيم
كريم ابراهيم اهتم بالتدوين في مجال التقنية قمت بإنشاء مدونة ماي ايجي سوفت اواخر عام 2018 ، هدف المدونة هو نشر كل ما هو مفيد وجديد في عالم التقنية ، واقدم أيضاً على المدونة مفاتيح تفعيل النود لحماية الاجهزة لديكم من الفيروسات الضارة والبرمجيات الخبيثة

تعليقات